२०७७, ५ आश्विन सोमबार

नुवाकोटमा कोरोना सङ्क्रमित सङ्ख्या ८ पुग्यो

डबली खबर     जेष्ठ ३० २०७७ १४:५७



nuwakot coronavirus covid19 update

नुवाकोट – तादी गाउँपालिका खरानीटारको क्वारेन्टाइनमा रहेका १९ वर्षीय पुरुषमा कोरोना संक्रमण भएको पुष्टि भएको छ । यो सँगै नुवाकोटमा सङ्क्रमित संख्या ८ पुगेको छ।

संक्रमित व्यक्ति १७ दिन अघि भारतबाट आई क्वारेन्टाइनमा बस्दै आएका थिए।

संक्रमित व्यक्तिलाई खरानीटार अस्पतालको आइसोलेशनमा राखिएको जिल्ला स्वास्थ्य सूचना अधिकारी उत्तम खनालले जानकारी दिए । संक्रमित व्यक्तिको कन्ट्रयाक्ट ट्रेसीङको कार्य स्थानीय गाउँपालिकाको समन्वयमा अघि बढाईएको खनालले जानकारी दिए ।

बिहिबार मात्र नुवाकोटमा १ जनामा कोरोना सङ्क्रमणको पुष्टि भएको थियो।

हालसम्म जिल्लामा पिसीआर परीक्षण ४४४ जनाको गरिएकोमा ३४५ जनाको निगेटिभ आएको छ भने ९२ जनाको नतिजा आउन बाँकी रहेको छ।

यो खबर पढेर तपाईलाई कस्तो महसुस भयो ?



प्रतिक्रिया




Top