२०७७, ७ माघ बुधबार
District Cooperative Union Notice
Bachchhaladevi Suppliers

भिवोर बैंकले बाँड्यो २७ जनालाई अनुदान

    श्रावण ३ २०७३ १०:३२


Trishuli Web Design Services in Nuwakot
vibor bank nuwakot

नुवाकोटका भुकम्पपीडितको लागि निजी आवास अनुदान वितरणको प्रक्रिया अघि बढेको छ । खड्गभन्ज्याङ गाविसमा रहेको भिवोर विकास वैंकको शाखा कार्यालयले आज २७ जना भुकम्पपीडितहरुलाई पहिलो किस्ता वापतको ५० हजार रुपैयाँ अनुदान प्रदान गरेको छ । शाखा प्रमुख दिपेन्द्र श्रेष्ठका अनुसार जिलिङ गाविसका २७ जनालाई पहिलो दिन पहिलो किस्तावापतको अनुदान रकम प्रदान गरिएको हो । भिवोर विकास वैंकको खड्गभन्ज्याङ÷देवीघाट शाखाले चार हजार आठ सय १ भुकम्पपीडितलाई रकम उपलब्ध गराउने सम्झौता अनुसार आज जिलिङ गाविस वडा नं. २ का २७ भुकम्पपीडितलाई अनुदान रकम प्रदान गरिएको हो । सो वैकमा पहिलो चरणमा नौ सय १ जनाको लागि कोष तथा लेखा नियन्त्रण कार्यालयले घर निर्माणको लागि पहिलो किस्ताको ५० हजार रुपैयाँ उपलब्ध गराएको छ । गाविस सचिव विरेन्द्रबहादुर बोहराको उपस्थितिमा वैंकले निजी आवास अनुदानको पहिलो किस्ता रकम भुकम्पपीडित लाभग्राहीलाई प्रदान गरेको हो । नुवाकोटमा निजी आवास अनुदानका लागि नुवाकोटका ३० हजार भुकम्पपीडितसँग अनुदान सम्झौता भइसकेको छ ।

vibor 1 - Copy

भूकम्पीय आवास पुननिर्माण, परियोजना जिल्ला आयोजना कार्यान्वयन इकाइले दिएको जानकारी अनुसार आजसम्म ३० हजार सात जना लाभग्राहीसँग अनुदान सम्झौता सम्पन्न भएको छ । सरकारको तथ्यांक अनुसार जिल्लामा ६५ हजार ७ सय ७३ जना भूकम्प पीडित लाभग्राहीको सूचीमा छ । नुवाकोटका केही गाविसमा भने पहिलो किस्तावापतको ५० हजार रुपैयाँ वितरणको लागि गाउँ विकास समितिहरुलाई रकम निकासासमेत गरिएको छ । आइतवारसम्म दुई हजार ३९ जनाको लागि रकम निकासा भएका हो । हालसम्म विभिन्न गाविसको लागि नौ करोड ३२ लाख रुपैयाँ निकासा भइसकेको जिल्ला आयोजना कार्यान्वयन इकाइले जनाएको छ ।

vibor bank khadagbhanjyang

यो खबर पढेर तपाईलाई कस्तो महसुस भयो ?



Diyo Pathshala Montessori

प्रतिक्रिया




Top