२०७७, १४ माघ बुधबार
Election Office Nuwakot Notice
Bachchhaladevi Suppliers

शिवपुरीमा कृषि उपज सामग्री प्रर्दशनी

    माघ २७ २०७४ १७:०१


Election Office Nuwakot Notice
Trishuli Web Design Services in Nuwakot
Belkotgadhi Agriculture Exhibition Nuwakot

शिवपुरी/नुवाकोटको शिवपुरी गाउँपालिकामा कृषि उपजहरुको बजारीकरणको लागि कृषि उपज प्रर्दशनी सम्पन्न भएको छ । शिवपुरी गाउँपालिका वडा नं. ८ थानापतिका किसानहरुले उत्पादन गरेको तरकारी तथा फलफूलको बजारीकरणको लागि गाउँपालिकामा कृषि प्रर्दशनी गरिएको हो ।

ग्रामीण स्वावलम्वन विकास केन्द्रको आयोजनामा भएको प्रर्दशनीमा किसानहरुले काउली, गोलभेँडा, बन्दा, सीमी, लसुन, भूइँस्याउ, अदुवा, साग, धनिया, केरा, उखु, मुलालगायतका कृषि उपज प्रर्दशनीमा राखिएको थियो । प्रर्दशनीमा स्थानीय अगुवा किसान रामकुमार थापालाई व्यवसायिक उत्कृष्ठ किसानको रुपमा प्लास्टिकको टनेलसहित सम्मान गरिएको छ । तरकारीबालीतर्फ उत्कृष्ठ रुदुवा आयआर्जन समूहका मिठुदेवी उप्रेती र पञ्चकन्या समूहकी मेनुका पाण्डे, फलफूलतर्फ राम्चे समूहकी रोसनी लामा र मसलाखेतीतर्फ पञ्चकन्या समूहकै भगवती थपलियालाई पुरस्कृत गरिएको छ । प्रमुख अतिथि शिवपुरी गाउँपालिका वडा नं. ८ का वडाध्यक्ष पदम थपलियाले किसानहरुलाई सम्मान गरेका थिए ।

प्रर्दशनीमा १२ वटा आयआर्जन समूहका ४४ जना किसानले आफूले उत्पादन गरेको कृषि उपज राखिएको थियो । प्रर्दशनीमा काउली, गोलभेडाँ, रायोको साग, अदुवा, मुला मुख्य आकर्षण रहेको कार्यक्रम संयोजक दिलिप खवासले बताए ।

आयोजक संस्थाको तर्फबाट ग्रामीण स्वावलम्वन विकास केन्द्रका कार्यकारी प्रमुख डा. दुर्गाप्रसाद पौडेलले गरिवी निवारणको लागि समूह मार्फत एकले अर्कोलाई सहयोग गरेर अघि बढ्ने उदेश्य रहेको बताए ।

उत्पादित तरकारी विक्रीको लागि संकलन केन्द्रमा जम्मा गर्ने र संकलन केन्द्रबाट बजारसम्म पु-याउने उद्देश्यले प्रर्दशनी आयोजना गरिएको आयोजक संस्थाले बताएको छ । तरकारीमा विचौलियाको अन्त गरी किसानले आफ्नो उत्पादनको मूल्य उचित पाउनको लागि संस्थाले समन्वय गरिरहेको कार्यक्रममा जानकारी गराइएको छ । प्रदर्शनीमा सहभागी हुने किसानलाई संस्थाले गोलभेडाँ, मुला, काउलीलगायतका तरकारीको विउसमेत निःशुल्क प्रदान गरेको छ ।

तीन वर्ष अघि संस्थाले थानापतिका ३५० घरधुरीलाई आत्मनिर्भर बनाउने उद्देश्यले किसानहरुलाई समूहमा आवद्ध गराएर आयआर्जनको स्रोत देखाउने काम गरेको कार्यक्रमका फिल्ड संयोजक साधुराम सापकोटाले जानकारी दिए ।

काठमाडौंसँग जोडिएको तरकारीको लागि उर्वरभूमि भएपनि यहाँ उत्पादित तरकारीले उचित मूल्य पाउन नसकेको किसानहरु बताउँछन् । पछिल्लो दुई वर्षको अवधिमा यस क्षेत्रमा एक सय भन्दा धेरै किसानले टनेलमार्फत मौसमी तथा बेमौसमी तरकारी खेती गरिरहेका छन् ।

यो खबर पढेर तपाईलाई कस्तो महसुस भयो ?



Diyo Pathshala Montessori

प्रतिक्रिया




Top