२०७७, १४ मंसिर आईतवार


Bachchhaladevi Suppliers

आइतबारबाट पूरा भरिएको ग्यास सिलिण्डर बिक्री गर्न नपाइने

डबली खबर     चैत्र १५ २०७६ २०:५५


Trishuli Web Design Services in Nuwakot
Nepal LPG Gas Industries

काठमाडौँ – आइतबार दिउँसोदेखि आधा भरिएको ग्यास सिलिण्डरमात्र बिक्री गर्न पाइने नेपाल आयल निगमले जनाएको छ । निगमले आज जारी गरेको सूचना अनुसार भोलि दिउँसो १ बजेसम्म मात्र पूरा भरिएको ग्यास बिक्री गर्न पाउने छन् । आइतबार दिउँसोबाट ७.१ केजी ग्यास भरिएको सिलिण्डरमात्र बिक्री गर्न पाइने भएको हो ।

निगमका प्रवक्ता बिनितमणि उपाध्यायका अनुसार ग्यास बिक्रेता/डिष्ट्रिब्यूटर्स कहाँ मौज्दात भएको १४.२ केजी ग्यास भरिएको सिलिण्डर आइतबार १ बजेसम्म बिक्री गरिसक्नु पर्ने तथा सो ग्यास बिक्री नभएको अवस्थामा सम्बन्धित ग्यास उद्योगमा फिर्ता पठाइसक्नु पर्नेछ ।

‘भोलि १ बजे पछाडि १४.२ केजीको सिलिण्डर मौज्दात पाइएमा प्रचलित कानून अनुसार कारवाही हुनेछ’- प्रवक्ता उपाध्यायले बताए । सम्पूर्ण ग्यास बिक्रेता/डिष्टीबयूटर्सले दैनिक सुरुवाती र प्राप्त हुने/भएको ग्यासको विवरण सर्वसाधारणले देख्ने गरी ग्यास बिक्री स्थलमा टास्नु पर्ने निगमद्वारा जारी सूचनामा उल्लेख छ ।

निगमबाट अर्को व्यवस्था वा निर्देशन नभएसम्मका लागि ग्यास व्यवसायीहरुले एकआपसमा सहमति गरी एक अर्काको उद्योगको सिलिण्डर रिफिल गरी गुनासोरहित ढंगबाट सहज, सरल र समानुपातिक तवरबाट बिक्री गर्ने व्यवस्था मिलाउन सक्ने समेत सूचनामा उल्लेख छ ।

यो खबर पढेर तपाईलाई कस्तो महसुस भयो ?



Diyo Pathshala Montessori

प्रतिक्रिया




Top